काठमाडौं । पोखराबाट फर्किएका पूर्वराजा ज्ञानेन्द्र शाह पोखराबाट त्रिभुवन विमानस्थलबाट बाहिरिएका छन् । उनको स्वागतमा एयरपोर्टदेखि, गौशाला, चाबहिल हुँदै महाराजगञ्ज खासगरी चक्रपथमा राजावादीको भिड लागेको छ ।
त्रिभुवन विमानस्थलको गोल्डेन गेटबाट ज्ञानेन्द्र गाडीबाट आधा जीउ निकालेर समर्थकहरूमाझ हात हल्लाइरहेका छन् । समर्थकहरू विभिन्न नाराबाजीसहित तस्बिर/ भिडिओ र सेल्फी खिचिरहेका छन् ।राजावादीको प्रदर्शनका कारण त्रिभुवन विमानस्थल भएर आवातजावत गर्ने यात्रुलाई भने सास्ती भएको छ ।
त्रिभुवन विमानस्थल भएर जाने र फर्कने यात्रु तीनकुने र चावहिलबाट सवारी डाइभर्ट भएकाले समयमा उडान भेट्न गार्हो भएको बताएका छन् ।यात्रुलाई बिदाई गर्न गएका र लिन गएका आफन्तलाई समेत प्रहरीले सडक छेउको गेटैमा रोकेको छ ।
राजावादीको भीड बढेपछि ट्राफिक प्रहरीले तीनकुने देखि गौशाला क्षेत्रमा यातायात डाइभर्सन गरेको छ भने अन्य स्थानमा ट्राफिक जाम भएको छ ।
लेखकको बारेमा
प्रतिक्रिया